Hello yaaro Swagat hai aapka is new review mein dosto aaj hum kdrama ke bare mein baat karne jaa rahe hai. Jo ki kaafi interesting hai aur review spoiler free hai toh aap ise padh sakte ho toh shuru karte hai aaj ka review.

My Love from the Star Hindi Review


Kahani hai ek Ladki aur ek Alien Ladke ki love story ke bare mein.

Jiska name Do Min-joon hai jo earth pe 400 saal pehle aaya tha lekin kisi wajah se woh wapis apne ghar nahi jaa sakta tha.

Kuch saal baad Do Min-joon Professor ki job karne lagta hai aur uska ek hi dost hai jo uski asliyat janta hai.

Do Min-joon ko ek ladki se pyar ho jata hai jo korea ki ek popular actress hai.

Jiska name Cheon Song-Yi hai.

Lekin Do Min-joon ko choose karna padta hai ya toh woh ghar jayega ya phir ladki ke sath rahega agar ladki ke liye ruka toh woh mar jayega toh kya karega Do-min joon apne pyar ke khatir kya woh apni jaan dega is sawal ka jawab janne ke liye aapko. Ye drama dekhna padega story mein kaafi aise moments ayenge jise dekh ke aapko hasi ayegi aap emotional ho jaoge aur in dono ki crazy and romantic chemistry dekhne mein aapko maza ayega. Lekin Cheon Song-Yi ka ek bachpan ka friend jo in dono ke beech mein aata hai kyuki Cheon Song-Yi uska bachpan ka pyar hai.

Jis ka name Lee Hee-kyung Hai. Dekhne wali baat hogi ki Cheon Song-yi in dono mein se kisko choose karegi apne bachpan ke dost ko ya phir Do Min-joon ko. Agar Do Min-joon ko choose kiya toh kya Woh Do Min-joon ki asliyat ko accept karegi ya asliyat jaanne ke baad woh Do Min-joon se dar jayegi aur apne bachpan ke friend se shadi karegi.

Story ko interesting banata hai. Lee Hee-kyung ka bada bhai jo Cheon Song-yi ko marna chahta hai kyuki Cheon Song-yi ko
Lee Hee-kyung ke bade bhai ka aisa secret malum hai jo agar duniya ko pata chala toh mushkil ho jayegi. Isiliye Lee jae-kyung   Cheon Song-yi ko marna chahta hai kya Do min-joon Cheon Song-yi ko bacha payega ya nahi aur kya Lee Hee-kyung ko jab apne bade bhai ki asliyat pata chalegi toh kya Woh apne bhai ko rokega ya apne bhai ke sath milke in dono ko khatam karega. Ye sab jaanne ke liye aapko, Ye drama dekhna hoga.

Maine ye show dekha tha aur kahi pe bhi ye zara sa bhi boring nahi lagta hai. 2013 ka ye kdrama urdu dubbed mein hai lekin aapko samajhne mein koi pareshani nahi hogi waise toh my love from the star ke 21 episodes hai lekin urdu dubbed karke iske 34 episodes kar diye hai main toh kahunga aapko ye kdrama dekhna hi chahiye kyuki imdb pe isko 8.3 ki rating mili hai rating se aap andaza laga sakte hai ki ye show kitna badhiya hai.
Jisne nahi dekha woh jaa kar dekho aur jisne dekh liya woh bata sakta hai comment karke ki kaisa laga ye show.
Main milunga aapse agli baar kisi naye review mein tab tak ke liye good bye.

Read More by Me:- MindHunter Hindi Review

1 COMMENT

LEAVE A REPLY

Please enter your comment!
Please enter your name here